عذولي من البواجي جار مني
وعليك الدمع صدك جار مني
اريدك كون تصبح جار مني
واذل مكابلك صبح ومسية
حبك بالضلع بسمر مندك
واحس كلبي يسولف بيك من دك
كمت اركض على النقال من دك
لان ادري العزيز اتصل بيه
عيوني لادمع بيهة ولانور
لاشمس النفع بعد ولانور
مهند ما عشك مثلي ولانور
ولا يحيى الحمل مثلي اذية
ترة بيدك موت روحي من عدمها
اهو ربك الخالق منع دمها
يكول المثل من يد من عدمها
عجب بالحب بخيل اتصير الية
سكاني الدهر من فركاك بس مر
وشهد ما شفت من دنياي بس مر
رمش عيني افرشة ابساط الك بس مر
ترد الروح من تسال علية
اتمنى ان تنال اعجابكم.....تحياتي محمود العراقي وأريد ردود ها
SANDOKAN230@yahoo.com