السلام عليكم يا ابناء الشسمة المحترمين
شلونكم ؟
زينين ها !!!؟؟
الله يديمها عليكم
المهم هسة نرجع للموضوع الجوهري والي هو ...
اليوم اول مفتحت المنتدى
جان اشوف واحد واكف بخلقتي ولازم بيدة سجل لونه اصفر وبي قلم ابو الخمسين
ومليان عمبة مال حيدر دبل ابو الفلافل
هذا الي بكرادة مريم
ولابس بدلة سفاري لونها عسلي عبالك امين سر فرقة
ذكرني بأيام يوم النخوة الله لايعيدها
وهذا المخلوق الي كاعد احجيلكم عنة هو البرنص (بكر )
يكول لازم تجي اليوم تنزل موضوع
ما ادري معجب بكتاباتي لو شنو
وجمالة يكول تم التنبيه
شنو الاخ مشتغل بتجنيد منطقة الرصافة كبل ؟؟
وبعدين هسة اني منين اجيبلك موضوع ؟؟
ولك حقك انت متدري بحالتي ويا الكهرباء الي مربوطة عالترفك لايت
ترفك لايت
هذا ابن عم مون لايت
هلو سوسو شلونج ؟ مشتاقلج
اي هسة نرجع للموضوع
فأني قررت انزل موضوع اليوم الخاطر بكوري حبيب قلبي
فبقيت اكتب بلموضوع ساعة وربع حتى باب الحارة ما شفتها وقبل لا اخلص انكطعت الكهرباء
وراح الاخضر بسعر اليابس وراحت كتاباتي
وسالت الاحبار على اوراقي
وذابت التعابير في مُحيّات ذكرياتي
ونسيت كلشي من الي كتبتة
وسبب كل هذا هو الـــ ups الي خامطة من ابن عمي
خررررررررب
لكم اول مرة بحياتي اشوف هيج ups
لعد الله يقبلها ...!!!؟
قبل لا تنطفى الكهرباء بربع ساعة هو ينطفي !!!؟
هسة خلي اسد الموضوع لان طالت السالفة واخاف تنطفي المهجومة مرة لخ
صدك بكر تعال هنا
متكلي منين اجيبلك موضوع بهلزلك ؟؟
لعيونك بعدين اجي وانزل موضوع حلو ويعجبك مو هسة
يلة مع السلام عليكم
محمود العراقي تحياتي الكم