((((( مشكلتي حبك اعترف))))

((((( مشكلتي حبك اعترف))))

صبح مشكلتي حبك حيل اذانــــــــي
شسوي الروح ماترضه بشخص ثاني

اسايرها واكلها حبي غير انسان
تعاندني وتكلي الكلب ودانـــي

اكل للكلب خايب اترك العافــــــوك
يكلي شلون اعوفه وحبله جراني

ورطني بمحبته وسلب مني الروح
ومــــسودن بحبه وهوه ســواني

اكله اني احبك وكلبي هايم بيك
!! وعذبني غرامك جمر جوانــي

مشكلتك يكلي اتحمل الــــــي
صار واتحمل عذابك لأن تهواني

يعني مقصر اني لمن حبيتــــك؟؟
وبعت الروح الك وبأبخس اثماني

بعتها وما حسبت حساب هذه يصير
اضل مطلوب الك وتصير ديانـــــــي

مشكلتي صدك ماجذبيت بـــــهاي
لان حبيت واحد كلت حـــــــــباني

سكوتك صار سيف ويذبح ركــــــاب
ومن كد ماجفيت السيف حزانـــي

ولك والله تعبت كد ما احشم بيك
واوراقي كضت والقلم مــــلاني

اكتبلك شعر من الصبح للــــيل
ولا كلبك يحن وتجاوب اشجاني

لو هذه الاحبه اسمه ملك الموت
جاهم حن عليه وبدد احزانـــــي

بس طبع اليحب يصبر على اليهواه
وانه صابر عليك العمر ومتانـــــي

بنيراني اشتعل واتحمل الاهات
والجويات تسعر وسط وجداني

وانته الماي يمي وعينك تشوف
نار توج لضاها بأربع اركانــــــــي

تجي وتطفي ناري السرت بالدلال
لو تتركني اذوب ابحر هجرانــــي
@@@@@



محمود العراقي

SANDOKAN230@yahoo.com

يسلموووووووووو

يسلموووووووووو

شكراً ماروكو الصغيرة علة ردج واتمنالج التوفيق