فرحت بجيِّتك يالغالي مـــن يوميـن

فرحت بجيِّتك يالغالي مـــن يوميـن
ندمت انه على عمري الفاتن سنينـه


تمنيتك تكون ويايه مـــــــن سنيــن
تداوي انته القلـــب وتشيـل سجّينــه


تسالني عليــك الروح مـــــن تغيـب
شجاها الروح بس تصيح جاوينه ؟


قلبي الي عشك من گبـــــل ما عـاش
واظن بالگاع اطم كل عشك مّر بينه


زرعتك بالقلب مـو ورد حقـل ورود
اسگيها بدمع وبعشـــــك تســگـــــينه


بيك تعلَقت .. بس يمك انــــه ارتـاح
صفت روحــي بغيابك والله مسكينة


اخذني وياك وانته اختار وين تريد..؟
وين تروح .. هم للنار .. ودّينـــــــه


شمحــلاه الفــــرح لمّــن يدك البـــاب
وشمحــلاه العشك لمّــن يمــــر بينـه


شنو رأيك حبيبي اطويها للصفحات
صفحــــات الحزن والبيــها عانينــه


اريد اكضي العمر صدكني بس وياك
واليبعــدني عنك مــن عمـت عينــــه


مـــو فــــــدوة اروحَـن الك فـــدوات
يــامحلّي العمــــر بايامـــه وسنينـــه


امانــة تامـنت يمـــك تظل هالـــــروح
وامانــــــــة عليك لا تقسِي وتاذينـــــه




تحياتي الكم محمود



SANDOKAN230@yahoo.com