القناعه اتضيع مني امن التقي وياك

القناعه اتضيع مني امن التقي وياك
اوعيني الشوفتك ما عاد تكفيني
ولان يرادلك عين ابكبر بغداد
راح ابأيدي اوسع خارطة عيني






احملك ذنب واقبل حجي الناس
يااجمل ذنب متربع اضنوني
اذا اشوفك جهنم امشي بيه ممنون
وادنك يم جهنم واحرك عيوني





أمس روحي بشقه ظل تسب بيك
أبجيها ردت كمت الجم اجروحي
وتعاركت ويه روحي وصارت ازماط
ومن كد ماأحبك طلعت روحي






هاك الروح اخذهه وانه ممنون
وماانطيك عيني ومااعوفك
مو بخلن ابعيني وشنهو العيون
اذا انطيك عيني اشلون اشوفك






ردت اوصفك للناس انته وصفك مو سهل
ردت اكلك انته ورده بس مايجي وصفي عدل
ردت اكلك انته ليلي بس دريت الليل ماخذ من عيونك كحل
ردت اكلك طير بس خاف اطير وينكطع حبل الوصل
ردت اكلك انته ابويه وانته امي بس اخاف اظل بعيونك طفل




وهذا مقطع من أغنية حسام الرسام قبل ما يغنيهة
حرامي انته وبكت كلبي عكس كل الحراميه
الحرامي يبوك نص الليل وانته تبوك ظهريه
مستانس اني وراضي ولا اسولف على البيه
ولاجن كلبي التفرهد اكول بسكته شعليه
تكلي الناس مو كلبك اكول للناس مو ليه
تكلي الناس مو باكك اكول انطيته بديه
عزيز وباه كلبي شعليهه الخلك بيه

محمودالعراقي تحياتـــــــــــــــــــــــــــــــــي

SANDOKAN230@yahoo.com

شكرا